要承認自己犯錯，很困難。一個平時冷靜到爆的人要承認衰衝動而犯錯，難上加難。我點安慰自己從而踏出呢個心魔，坦承成件事o既真相呢？就係話比自己知：「女人買o野，邊有冷靜嫁？」
上篇的YSL Limited Edition Love Collection 2008中，提及我恨了好久都買不到的Pop Stick Blush，大家還記憶尤新吧？上回講到，我眾裡尋她千百度，那天卻在金鐘LC處，我係歷盡滄桑，先有將佢收入我化妝袋O既福份嫁。本來以為，結局一定係 'They lived happily forever and ever......"，當然係直到佢身亡啦，點知......唉......
繼Mascara之後，YSL再次令我極。度。失。望！雖說係自己衰衝動，但你話唔怪佢就假o既。有美容編輯話，要番咁上下價錢o既專櫃化妝品，十件裡面十件好用度都過70分，餘下要做o既，就係由70-100分入面分到佢地o係邊個位。分？分？呢支Pop Stick Blush，連70分門檻都過唔到！點分佢係邊個位呀？！
好，發生咩事呢？
我曾這樣評過那支Pop Stick Blush，因為我真的試過上手，而感覺是：「我想買的自然是Strawberry/Rasberry，胭脂膏的用法是粉底或base之後上，然後撲上碎粉，此為最自然。而YSL的這支，不但名字甜美，顏色可人，而且一抹之下，非常順滑，效果自然中帶點閃爍。」
到手後，連續用了三天，即時大大有乃o野之感。問題如下：
1. 那支Strawberry/Rasberry，已經是全系列Pop Stick Blush中，最淺色的了。粉紅的Strawberry與深紅的Rasberry差不多是一半半不規則地混合。不料用上面時，深紅色全。蓋。過。了粉紅色，基本上只見到Rasberry的色，更比專櫃試時的色水深了起碼兩號。原因？當然是專櫃那些令你覺得拍緊「激光中」MV的白燈啦！全系列最淺色的Blush，都深到應該只適合冬天用，但呢個係春天collection喎！咩事呢？
2. 我說過，它「非常順滑」，是沒錯的，而且抹上面還涼涼的香香的，好爽。可是，用了只是3天，而我，已經不是那種用幾層打20個圈成面珠都用的女生了，那支東東少了足5mm。我是沒有用它來補妝，只係早上用一次，你估支o野用唔用到一個月呢？
3. 用唔用到一個月，我依家答你。好爆地那支Blush，全支只。有。3。cm。長，大家o黎上數學堂，3cm=30mm，用3日用了5mm，30mm/5mm=6，6x3=18日，即係支$275的Pop Stick Blush，可供18日使用，即係，um......兩個幾禮拜到啦。
4. 可能你會問，一支胭脂膏，點可能有咁多問題呢？事實係，我都好想知。YSL的Sales姐姐，係唔會呃人o既，她早已告訴我：胭脂膏的用法是粉底或base之後上，然後撲上碎粉。不止口述，那位金鐘LC熱心的姐姐還試上我手上，先抹上胭脂，我見到好清晰的幼滑閃粉，然後她在上面蓋上一層碎粉。在「激光中」，我明明見到「效果自然中帶點閃爍」，自然好滿意啦。回家後一用，咦，點解用碎粉之後，顏色變沉，而且閃都唔閃下？我的天呀那種閃閃被碎粉蓋過晒，而我的碎粉是出名幼細的牌子啊(這個擇日再講)！回想當日試上手時，我開始想該不止是那些白燈的問題，而是姐姐後來用上胭脂膏上的碎粉本身有閃粉。我在家用的碎粉牌子，是沒閃粉的。故，用完全套之後，胭脂膏的閃閃本來就唔見晒！閃的是碎粉上的閃罷了，天呀呀呀呀呀~
你能相信，這幾乎是「全部」了嗎？
粉紅的Strawberry色，是會全部不見的。
我真的不會再上YSL的當了！
總括而言，成件事我都有不著，實在是太想買了，沖昏頭腦，以後各位美女們要買同類產品時，記住記住留意以下幾點：
1. 試色時，最好試上面，因為面的立體比手的平面好。就算擔心敏感或不方便的話，也讓上了色的手離開激光中的範圍，看清楚實色。
2. 請Sales姐姐扭盡支tester比你睇下有幾多，或問她有幾長 (千萬不要問「容量」，那是跟density和重量有關係的，很tricky)，我夠以為10g夠用兩三個月。
3. 閃爍效果要問清楚，如果sales姐姐要加甚麼上你的試色範圍內，記緊看清楚加了甚麼，有些效果是外加的妝物有而不是你試色的妝物。
4. 愈滑、水份愈多的胭脂膏，消耗得極快。對比清楚價錢與壽命才好買。
這次，是蝕到入肉的教訓，真係唔慌唔係肺腑之言。好在我做了老襯之後，全港只得一支，應該不會累到甚麼人也買入了吧？唉，各位姊妹記得下次睇清楚！
text by 藍藍
留言列表
