Beautiholics - 我們的實驗美容日誌

好開心呀, 可以有一個給我發表分享化妝心得的地方..哈哈..希望我少少的分享可以給你多多的美麗!!!

講明先, 我唔係專家呀, 只不過有多年經驗加多次失敗經驗..

要說化妝, 我花得最耐時間在眼部..

天生眉短要畫眉, 每日都要畫出一條靚眉唔容易, 撞手神先可以有perfect眉架!

我媽咪由唔知幾時開始已經叫我去紋/綉眉, 話一了百了喎, 我唔怕痛, 但怕條眉會好似d師奶咁變左綠色...

用過眉筆眉粉..我覺得眉粉立體感強d..但眉筆收尾會靚d..

眉呢樣野..下次先講!!

今次講下mascara先, 依家current有6枝..

maybelline XXL , 明明之前已經買左普通版, 甩到呀媽都唔認得..點解今次一出紫色又買左呢?! 佢既waterproof真係好唔得, 依然有甩色跡象...所以棄用了。

不過今次既base好好, 所以呢枝我淨係用base。
好喇, 用了maybelline XXL的base後, 睫我長了很多...之後就是用kiss me

kiss me..係我用過咁多隻最好用, 最靚, 最翹, 最持久亦都係最快乾, 眼水油脂都唔會甩, 就算是一晚clubbing狂歡後, 亦不會有熊貓眼出現...不過結果係, 卸妝都有排卸..但.........搽出來的效果真係好靚..

濃密版同上面嗰隻冇乜分別..我都係覺得basic嗰隻最好用..

kiss me仲有一隻艷長版, 但係好差, 一d都唔長.....我用左1次掉左...


差d漏左呢枝, 因為呢枝又係用左幾次冇用, 個base又唔得, mascara又唔得..
個base一搽就gel埋一舊, 明明有50條睫毛都會得返幾條咁..好醜呀!!!!!!!

我一向都幾鍾意bourjois d野...尤其胭脂..

呢枝mascara係妹妹送比我既..

係我近期之愛...

好黑, 好杰, 好粗.....真係娃娃眼...

唯一缺點係太重, 成日會dup..所以用左base用會好好多...

還有一隻超便宜, 又好用的fasio..

在fasio未改package (還是橙色包裝的時候), fasio的掃又好掃, 掃得很美..

但改了package後...噢..好失望..變了梳型...掃又變得不好用..

我最怕最怕用梳型掃.....上次買左一枝fasio梳型, 將mascara全都梳到眼皮.......用左幾次就掉左喇....


嗱嗱嗱..點解我極力推介kiss me..睇到啦..幾翹幾長, 朝早趕返工, 眼線都唔駛畫呀........快d去買啦!!!!!!!!!!!!!


(text by: 貓me)